احمد صابر
12-22-2006, 08:00 PM
وصية ميت يابيسة!
بيسة مراتي بتبقي حنونة قوي في الأوقات العصبية * أوقات الأزمات والشدة والحاجة والمرض * ومن المدهش والمثير للجدل ماتفعله * تبقي عاوزة تقيد صوابعها العشرة شمع * اصبت بنزلة برد شديدة قلبت بنزلة شعبية حادة وسخونة وقلت خلاص جايز اودع * وكل شوية تدخل تشقر عليه وتشوفني محتاج ايه * انا قلت في عقل بالي فرصة وجاتلي من السما عارفة يابيسة أنا نفسي في ايه * نفسك في ايه ياحبيبي طلباتك اوامر نفسي في كيلو لحمة ضاني وازازة حاجة ساقعة قبل ما اموت.. حاضر استني وعاوز كيلو تفاح أمريكاني أحمر * اقتضب وجه بيسة وقالت من غير نفس * حاضر * عاوز حاجة تانيه * آه عاوز * عاوز ايه * عاوز كيلو موز من أبو نقطة ومغربي * سمعت بيسة تتمتم وتقول: ودي واقعة ايه السودة ديه تفاح وموز ولحمة ضاني * عاوز حاجة تاني * أيوه عاوز لو جرالي حاجة ابقي سددي الدين اللي عليه أنا مش قد يوم الحساب * انت عليك دين لمين * ابدا دول 1500 جنيه وقبل ان أكمل وصيتي انطلقت زعابيب وصرخات بيسة وقالت نهارك اسود ومطين بطين 1500 جنيه بتوع مين واسددهم منين مصيبة تاخدك.. بتوع الست حلاوتهم * وانت تعرف حلاوتهم منين * أصل الحكاية.. حكاية ايه وهباب ايه * انطق * واحد صاحبي قوي كان مزنوق واستلفتهم من حلاوتهم من اسبوعين * هو أنا قد حلاوتهم واخده عليك ورق ايوه واخده ايصال أمانة * كمان * أحسن حاجة تعملها قبل ما تموت * عاوزاني اعمل ايه * تطلقني * هنزل اجيب المأذون * طب وال1500 جنيه مين حيدفعهم * يدفعهم صاحبك اللي اخدهم * اصله اصله * اصله ايه اصله سافر * سافر فين.. ليبيا * يهبب ايه في ليبيا * يكوٌن نفسه ومين صاحبك ده * الحاج محسن * بس محسن راجل كبير وعنده 70 سنة * اصله كان نفسه يتجوز وجاله عقد عمل في ليبيا قلت اساعده 70 سنة ونفسه يتجوز * ربنا ينتقم منك ومنه قادر ان شاء الله تنام ما تقوم! منقول
بيسة مراتي بتبقي حنونة قوي في الأوقات العصبية * أوقات الأزمات والشدة والحاجة والمرض * ومن المدهش والمثير للجدل ماتفعله * تبقي عاوزة تقيد صوابعها العشرة شمع * اصبت بنزلة برد شديدة قلبت بنزلة شعبية حادة وسخونة وقلت خلاص جايز اودع * وكل شوية تدخل تشقر عليه وتشوفني محتاج ايه * انا قلت في عقل بالي فرصة وجاتلي من السما عارفة يابيسة أنا نفسي في ايه * نفسك في ايه ياحبيبي طلباتك اوامر نفسي في كيلو لحمة ضاني وازازة حاجة ساقعة قبل ما اموت.. حاضر استني وعاوز كيلو تفاح أمريكاني أحمر * اقتضب وجه بيسة وقالت من غير نفس * حاضر * عاوز حاجة تانيه * آه عاوز * عاوز ايه * عاوز كيلو موز من أبو نقطة ومغربي * سمعت بيسة تتمتم وتقول: ودي واقعة ايه السودة ديه تفاح وموز ولحمة ضاني * عاوز حاجة تاني * أيوه عاوز لو جرالي حاجة ابقي سددي الدين اللي عليه أنا مش قد يوم الحساب * انت عليك دين لمين * ابدا دول 1500 جنيه وقبل ان أكمل وصيتي انطلقت زعابيب وصرخات بيسة وقالت نهارك اسود ومطين بطين 1500 جنيه بتوع مين واسددهم منين مصيبة تاخدك.. بتوع الست حلاوتهم * وانت تعرف حلاوتهم منين * أصل الحكاية.. حكاية ايه وهباب ايه * انطق * واحد صاحبي قوي كان مزنوق واستلفتهم من حلاوتهم من اسبوعين * هو أنا قد حلاوتهم واخده عليك ورق ايوه واخده ايصال أمانة * كمان * أحسن حاجة تعملها قبل ما تموت * عاوزاني اعمل ايه * تطلقني * هنزل اجيب المأذون * طب وال1500 جنيه مين حيدفعهم * يدفعهم صاحبك اللي اخدهم * اصله اصله * اصله ايه اصله سافر * سافر فين.. ليبيا * يهبب ايه في ليبيا * يكوٌن نفسه ومين صاحبك ده * الحاج محسن * بس محسن راجل كبير وعنده 70 سنة * اصله كان نفسه يتجوز وجاله عقد عمل في ليبيا قلت اساعده 70 سنة ونفسه يتجوز * ربنا ينتقم منك ومنه قادر ان شاء الله تنام ما تقوم! منقول