مش ناسيكى

[وسيم الحسيني]

مش ناسيكى مــش ناسيكى يا عيــونى مين يقــول إنى ناسيــكى ؟
مش ناسيكى وإنتى عارفه أد ايه أنا شوقى ليكى ..
وإنك أقــرب منى ليّه .. وإنى ســاكن فى عنيكى
مهما أغرب أو أشرق برضه لازم يوم حاجيكى
***

مش ناسيكى

لو وحشتك يا حبيبتى فى نور عيونك حتلاقينى
اجمعى شوقى وشوقك جوا قلبك واحضنينى
وانسى كل الدنيا ديّــه وف عيونك كحلينى
أبقى ليكى عمر تانى وتبقى ليّه نن عينى
***

مش ناسيكى


كانت هذه هى آخر كتاباتى الصغيرة والتى أبعث بها الى المنتدى الثقافى العملاق " أقلام "
ويا حبذا لو زورتم هذا الموقع العظيم الفائدة
وهذا هو الرابط

www.aklaam.net

[ابو حسن]

لو وحشتك يا حبيبتى فى نور عيونك حتلاقينى
اجمعى شوقى وشوقك جوا قلبك واحضنينى
وانسى كل الدنيا ديّــه وف عيونك كحلينى
أبقى ليكى عمر تانى وتبقى ليّه نن عينى
******************************************



تسلم يمينك يا ايها الوسيم
وكل عام وانتم جميعا بخير

[وسيم الحسيني]

لك كل الشكر والتحية أستاذنا راضى على مرورك الكريم
وتانى بقول لك شكرا لك كثيرا

[احمد صابر]

ايه الجمال ده يااستاذ وسيم

خد البيتين دول

مش ناسيكى ..

ولا يوم حيجى انسى فية نظرة عنيكى
او انسى لمسة .. حسسها لسة
من اديكى
فاكرة يوم ما بعدتى عنى ..وبعدت عنك
حلفت انى مش حغيب ..
ولا لحظة عنك
حلفتى انك جوة منى ..
حتة منى ..
وانى منك

وأدينى أهو لسة غايب ..
عن عيونك
بس شايف ..
انى لسة جوة القلب
وبرضة عارف
انك انتى لسة برضة
مخبيانى ..
مابين جفونك "

[وسيم الحسيني]

وأدينى أهو لسه غايب ..عن عيونك
بس شايف..انى لسه جوه قلبك
وبرضة عارف
انك انتى لسة برضه مخبيانى ..
مابين جفونك "
*****
وتانى أقول لك لو وحشتك
بصى من تانى تلاقيني فى عيونك

الله الله الله
جمال وروعه حروفك يا أبو حميد
انت كدا ضيعت كلامى خالص أودام حلاوة كلامك
بجد جميل جميل جميل

ودايما منور معانا يا حماده

[سفيان]

«®°·.¸.•°°·.¸¸.•°°·.¸.•°®»لا حول ولا قوة الا بالله
هؤلاء هم الشباب وتلك هى انشغالاتهم بدل ما يكتبوا موعظه بدل ما يكتبوا بتين شعر فيهم لمحه رقراقه تذكر الناس بالقرب من الله لاسيما فى هذا الشهر الذى ولى مسرعا ونحن ساهون لاهون سكارى لا نشعر بأى شىء اقول لكما يا أخ وسيم ويا أخ احمد هذه الكلمات كُتبت فى صحائفكما أترضيا ان يطلع عليها ربكما؟؟!! انا أقول لمن يؤلف شعرا مثلا او غزلا لامانع من التأليف ولكن لا تشغل اخوانك بما تخطه لاسيما وان كان مما لا فائدة منه او فيه
فنصيحتى الى كل الأعضاء ألا يشغلوا اوقاتهم بكلام ليس منه فائده وكما يقول علمائنا** اذا إبتليتم فاستتروا **بعض الأئمه الكبار كسفيان الثورى وسفيان بن عيينه والبخارى وغيرهم الكثير كانوا يقولون بلسان واحد مع الفارق فى الوقت -انى لأحتسب على الله نومتى -انظر الى حرص هؤلاء الجهابذة على الوقت يحتسب على الله النومه فوا خجلاه لو راى حالنا الان ماذا سيقول وماذا سيكتب والله سيكتب نعى الاسلام للمسلمين !!!!!!فمعذرة منى ان كنت اتكلم بهذا الاسلوب الذى قد يزعج بعض الاخوه ولكن والله هذه هى الحقيقه والحقيقة أولى ان تعرف /وسلامى الخاص الى حبيب قلبى اخى الكبير وسيم/أخوك سفيان«®°·.¸.•°°·.¸¸.•°°·.¸.•°®»
تقبل الله منى ومنكم.......أخوكم سفيان
تقبل الله منى ومنكم.......أخوكم سفيان

[احمد صابر]

الاخ العزيز سفيان طبعا الكلام ده كله من بره وليس عن قناعة ولكن انت عارف الشيطان شاطر والواحد نفسه يمشى على الصراط المستقيم ولكن زى ماقلت لك كله من عمل الشيطان وانا لاكتبه لاى احد ولكن مش حاقول تسالى هى سهو وانه من عمل الشيطان وجزالم الله عن النصيحة الف خير وكل عام وانت بخير

[وسيم الحسيني]

أخى الذى لا أعرفه سفيان
قرأت كلماتك وكأنى كنت أقرأ فيها مدح لى وليس رفض لما قلته أنا فى كلماتى السابقة
وليكن سر سعادتى هو أنى أشعر أن هناك من يرقبنى ويتابع كتباتى على المنتدى
وأما عن موضوع ما قمت أنا بكتابته فليس هذا موضوع نقاش وحوار فيه الآن عله آت هذا اليوم الذى نتبادل فيه النقاش فيه
مع العلم أنه لا يتبادر الى أذهان الجميع وأولهم أخى سفيان أننى مثلا عندى رأى آخر سادافع به عن نفسى أو عن موضوع كتاباتى حاشا لله فلست من الذين ينكرون نور الشمس فى كبد السماء فكلامك كله صواب الصواب وعين ورأس الصواب
ولكنى أنا من أولئك الذين مكثوا دهرا طويلا من عمرهم يقرأ ويخطون كلمات الشعر والخواطر ولذلك أجد نفسى الأمارة ما تغلبنى لحظات
واعتبر يا سفيان أن هذه احدى ساعات غلبة النفس على صاحبها
ودمت بخير وكل الخير
ودعائى أن أراك بخير وعلى خير إن شاء الله تعالى
والسلام عليكم ورحمة الله وبركاته