الدرس الأول - شرح مبسط عن برنامج فرنت بيج

[Dragoon]

الدرس الأول - شرح مبسط عن برنامج فرنت بيج

الاخوة الأعزاء .....

أقدم لكم شرح برنامج
frontpage 2003
http://www.tabluha.com/vb/imgcache/1397.imgcache


شرح مبسط وسريع علشان حجم الملف لا يكون كبير
و لذلك لسرعة الشرح يمكنك التحكم بحرية كاملة فى تقديم و تأخير و ايقاف
الشرح لتفهم كل خطوة خطوة

30 ميجا ...... 30 دقيقة
افتح الملف المضغوط باى برنامج فك الضغط .... ثم أضغط على ملف ( الدخول من هنا ) و لا تعبث بأى ملف أخر

عندما يفتح الملف إضغط f11
لتكبير شاشة العرض و لرجوع للوضع القديم اضغط f11 مرة اخرى

بأسئلتكم و استفسارتكم سيكتمل شرح البرنامج

http://www.tabluha.com/frontpage/front.rar

[saifha1965]

بارك الله لك جارى التحميل ....

[saifha1965]

الدرس الأول - شرح مبسط عن برنامج فرنت بيج



شرح مبسط وسريع علشان حجم الملف لا يكون كبير
و لذلك لسرعة الشرح يمكنك التحكم بحرية كاملة فى تقديم و تأخير و ايقاف
الشرح لتفهم كل خطوة خطوة

30 ميجا ...... 30 دقيقة
افتح الملف المضغوط باى برنامج فك الضغط .... ثم أضغط على ملف ( الدخول من هنا ) و لا تعبث بأى ملف أخر

بأسئلتكم و استفسارتكم سيكتمل شرح البرنامج





اولا بارك الله لك على هذا الدرس الرائع ... مع انة مفيش فية صوت ... كان هيكون احسن لو فى صوت .. على اساس ان الاستماع احسن فى الشرح من القراءة ... بس يلا كويس .. انا عن نفسى حملت الملف وفكت الضغط وشغلن الملف مرة وقعدت اتفرجت علية مرتين وبعدين وحدة وحدة سجلت الخطوات فى ورقة جانبية ... الخطوات يعنى . كانة موضوع تعبير علشان انفذ وحدة وحدة اظن غير كدة صعب ان الواحد يقدر ينفذ حاجة من الدرس ...
مع انك ساعت مفيش كتابة على بعض الاوامر ميش عارفين انت بتعمل اية . وكمان يعنى اية فلاشة ولية اختارت رقم 779 لو الشاشة 15 بوصة امال لو 17 ولا 20 هيكون كم الرقم . معلش طولت عليك وخذى بالك ديت ميش اسئلة .. الاسئلة لسة وقت ما ابداء فى التجربة والتنفيذ .. وياريت لو تحدد يوم لو فى اقبال من الزملاء على الدرس .. ندخل كلنا مرة وحدة فى يوم محدد وتكون معنا ونكتب كلنا مرة وحدة على الاسئلة .. ونشوف اراء بعض .. وكمان سوال يا دكتور هو مفيش فرونت بيج بالعربى ... اصل انا فى رايى ان الدرس الاول كان مفروص يكون كلة عن الاوامر الرئسية كل امر على حدة وبعدين درس حفيف مبسط شكل الدرس الحالى والكل يبداء فى تنفيذ صفحة بطريقتة واسلوبة وانت تشوف النتيجة .. وطبعا انت والزملاء اصحاب الراى .. وفى كل الاحوال لك كل الشكر على هذا الدرس الرائع فبارك الله لك ...

[سعد الجزار]

ولية اختارت رقم 779 لو الشاشة 15 بوصة امال لو 17 ولا 20 هيكون كم الرقم .


ولية اختارت رقم 779 لو الشاشة 15 بوصة امال لو 17 ولا 20 هيكون كم الرقم .


اختي الكريمة
حاولت جاهداً ان اجد لكي تعريف للبكسيل علي النت فلم اجد
فقررت شرحه بطريقتي
البيكسل ببساطه هو وحدة قياس مثل المتر والبوصه
والشاشات عموماً تأخذ عدة مقاييس وأشهرهم هو المقياس
600*800
بمعني
ان العرض يكون 800 بيكسل
والإرتفاع هو 600 بيكسل
وسبب اختيار الدكتور ايهاب الرقم 799 للعرض اقل من 800 ببيكسل واحد
هو عدم ظهور شريط التمرير مثل هذه الصورة
http://www.tabluha.com/vb/imgcache/1398.imgcache
------------------

الصوره هذه تمثل شاشه 15 بوصه
http://www.tabluha.com/vb/imgcache/1399.imgcache
وهي عبارة عن مستطيل
لو اخذنا هذا المستطيل وقمنا بتقسيمه الي عدة مربعات صغيره
كما بهذا الشكل
http://www.tabluha.com/vb/imgcache/1400.imgcache
هو عباره عن مربع
عرضه 4 مربعات صغيرة
وارتفاعة 4 مربعات صغيرة

لذا يمكن تسمية المربع الصغير وحدة قياس للمربع الكبير
بمعني ان يكون المربع الصغير مساحته ثابته يمكن تعيين عرض وارتفاع اي مربع كبير
وها هو مايقوم به البيكسل
-----------------------
فالشاشة مثلا تحتوي علي مربعات صغيره جداً لا تري بالعين وهي البيكسلات
ويختلف حجم البيكسل حسب حجم الشاشه
فالتباين 600*800
بيكسل في الشاشه ال 15 بوصه سيكون اصغر منه في الشاشه ال 17 بوصه

طبعاً مش فاهمين حاجه ... وانا كمان زيكم

امشو بس زي الدكتور ايهاب ما بيقول
وهتفهمو البيكسل لوحدكم

[Dragoon]

شكرا يا سعد عى التوضيح الجميل بس انا وضعت 779 و ليس 799 خلى بالك ياباشا ...... أنا كنت بكتب الرد و كنت خلصت راحت الكهرباء قطعت
نكتبه تانى ...

شكرا لأم عبير
اقتباس:
المشاركة الأصلية كتبت بواسطة saifha1965 http://www.tabluha.com/vb/imgcache/1401.imgcache (http://www.tabluha.com/vb/showthread.php?p=4883#post4883)
اولا بارك الله لك على هذا الدرس الرائع ... مع انة مفيش فية صوت ... كان هيكون احسن لو فى صوت .. على اساس ان الاستماع احسن فى الشرح من القراءة ... بس يلا كويس ..


طبعا الصوت احسن ليكم و لى انا الاخر لانه لا يأخذ وقت فى كتابة الشرح على كل زر و كمان بيبقى فى فرصة لإعطاء أكبر قدر من المعلومات لكن الكتابة تقيدنى ,,,,,, لكن هناك مشكلتين هما ( الملف سيكون كبير جدا إلا إذا جزئناه على مراحل - كما ان صوتى ضعيف قلبلا علشان كده بين هنستعين بمذيع يحترف عندنا فى المرة القادمة )

لو حبيتمت نعيد الشرح صوتى على أجزاء مفيش مشاكل

اقتباس:
المشاركة الأصلية كتبت بواسطة saifha1965 http://www.tabluha.com/vb/imgcache/1401.imgcache (http://www.tabluha.com/vb/showthread.php?p=4883#post4883)
مع انك ساعت مفيش كتابة على بعض الاوامر ميش عارفين انت بتعمل اية

دا راجع لعدة أسباب ( إما خطوات ليس لها لزمة و وجدت ان شرحها الان مش هيفيد - أو انها خطوات مرتطبة بخطوة شبيه لها شرحة نفسها يعنى - أو مثلا موضوع إعدادات الصفحة فيها اختيارات كتير فى الاول بشرح إزاى ادخل لاعدادت الصفحة مثلا كليك يمين خصائص الصفحة ثم مثلا لون خلفية الصفحة و بعدين اوكى علشان نشوف التغير بأنفسنا ثم مش لازم أقول نرجع تانى إزاى يعنى مش هقول تانى كليك يمين خصائص الصفحة دى بعديها لانها مشروحة قبل كده و ادخل على طول على الاعدادات بدون شرح لها و ابد فى شرح خطوة جديدة داخل اعدادت الصفحة .

اقتباس:
المشاركة الأصلية كتبت بواسطة saifha1965 http://www.tabluha.com/vb/imgcache/1401.imgcache (http://www.tabluha.com/vb/showthread.php?p=4883#post4883)
وكمان يعنى اية فلاشة ولية اختارت رقم 779 لو الشاشة 15 بوصة امال لو 17 ولا 20 هيكون كم الرقم


بالنسبة للموضوع دا سعد شرحه لكن طريقة أخرى

اولا الفلاشة هى ملف يعرض صور متحركة و سكون امتدادها هو swf صنعت ببرنامج فلاش او سويش ماكس
مثال للفلاشة http://tabluha.com/index.2htm

الامر الثانى
فى حاجة أسمها دقة الشاشة resolution

أكيد لحظتم فى الشاشات الصغيرة الايكونات و صورة سطح المكتب و الملفات بتبقى كبيرة
لك فى الشاشات الكبيرة ابتدأ من 17 بوصة بتبقى الأيكونات و الملفات الممظر العام صغير شوية
دا يرجع لدقه الشاشة و دى بنتحكم فيها من هنا

بعد ان نضغط كليك يمين على سطع المكتب و بعدين properties ستظهر الصورة دى و اختار setting

http://www.tabluha.com/vb/imgcache/1402.imgcache

شايفين دى



http://www.tabluha.com/vb/imgcache/1403.imgcache

600*800

دا معناه زى ما قال الاخ سعد
800 دا عرض الشاشة بالبيسكل

600 دا إرتفاع الشاشة بالبيسكل

و انا وضعت 779 يعنى فرق بتاع 21 بيكسل علشان زى ما قال اخونا سعد
فى كل صفحة يوجد شريط التمرير الرأسى
http://www.tabluha.com/vb/imgcache/1404.imgcache

و دا عرضه 21 بيكسل علشان كده شيلت من 800 بيكسل 21 بيكسل
فاصبحت 779

و لو وضعت 800
لظهر شريط التمرير الافقى الغير مرغوب
http://www.tabluha.com/vb/imgcache/1398.imgcache

دا بيكون فى الشاشات 15 بوصة فى الشاشات الكبيرة ستجد

http://www.tabluha.com/vb/imgcache/1405.imgcache
طبعا الارتفاع بيزيد و العرض
هذا لا يهم الان

طبعا معظم الشاشات لسه 15 علشان كده شرحنا على اساس كده

لكن فى حالى الشاشة كبير لا نضع رقم فى العرض

نضع 100%
لكى يكون الجدول متمدد على حسب دقة الشاشة
اى يتكيف مع اى شاشة لكن هذا يتطلب بعضى الخطوات المكملة لهذه الخطوة
نشرحها فيما بعد

اقتباس:
المشاركة الأصلية كتبت بواسطة saifha1965 http://www.tabluha.com/vb/imgcache/1401.imgcache (http://www.tabluha.com/vb/showthread.php?p=4883#post4883)
ندخل كلنا مرة وحدة فى يوم محدد وتكون معنا ونكتب كلنا مرة وحدة على الاسئلة .. ونشوف اراء بعض .. وكمان سوال يا دكتور هو مفيش فرونت بيج بالعربى ... اصل انا فى رايى ان الدرس الاول كان مفروص يكون كلة عن الاوامر الرئسية كل امر على حدة وبعدين درس حفيف مبسط شكل الدرس الحالى والكل يبداء فى تنفيذ صفحة بطريقتة واسلوبة وانت تشوف النتيجة ..



ياريت ندخل كلنا فى وقت واحد بس شايف انك بس اللى مهتمة بالموضوع و الاخ روكت مش عارف راح فاين

طبعا فى برنامج فرنت بيج بالعربى لكنى لا أفضل البرامج المعربة لاننا بكده مش هنتقدم خالص
و فكرنا هيتبرمج غلط على نمط معين و احنا المفروض داخلين مجال كبير يعتمد اساسا على اللغة الانجليزية فلازم نبدأ نأهل نفسنا من الان على المصطلحات الاجنبية علشان تنفعنا بعدين
لكن لو عاوزين رابط تحميل البرنامج العربى تحت امركم .

بالنسبة لموضوع الدرس .. كان ممكن اشرح بالتفصيل الممل لكنى و عدت ان تكون الدورة من الاخر بما لا يخل بمستوى التدريب ... جميع الاوامر الرئيسية كلها مثل برنامج الورد الشهير و كلنا نعرفه و الذى قمت بشرحة هى الذى ستحتاجونه فقط فى التصميم لانه مجرد وعاء للتصميمات التى سنتعلم تصميمها باستخدام الفوتوشوب و السويش ماكس

ثم المنتديات و المجلات يعنى المشوار لسه طويل و التفاصيل الصغيرة لن تجدى معنا و سنتعلمها فيما بعد فمعرفتها الان غير مجدى

فبرنامج الفرونت بيج سيكون ملزم لنا إلى النهاية ... فلا تقلقوا ستعلمون عنه كل شى مهم لنا

[Dragoon]

أسف يا جماعة الملف اللى انتم حملته .... الشرح فيه متكرر مرتين

المفروض مدة الشرح 16 دقيقة .. مش عارف البرنامج اللى بشرح بيه كرر الشرح ليه

عامة عدلت فى الملف و اصبح غير متكرر ...... و من الان يمكنك تحميل الملف السليم الذى رابطه فى المشاركة السابقة

[saifha1965]

بارك الله لك بارك الله لك بارك الله لك بارك الله لك بارك الله بارك الله لك بارك الله لك بارك الله لك الى ان يشاء الله .... بارك الله لك .. موضوع الدرس كان اكتر من رائع .. واتعلمت منة حاجات كتيرة كتيرة كتيرة . وطبعا حاولت انزل برنامج الفرونت بيج بالعربى .. ونزلتة فعلا واكتشفت انة ممل ... وبعيد خالص عن موضوع الدرس ... محتاج تانى اغير وافه القوائم عربة وانجليزى .. وعلشان كدة رجعت تانى للانجليزى .. افضل .. واكتشفت حاجة مهمة جدا من موضوع الدرس .. بتاع حضرتك . اهمها مسائلة الاكود انك ممكن تقسم الشاشة لنصفين .. وتشوف فوق الاكواد وتحت التصميم .

طبعا انا صممت نفس التصميم بتاع حضرتك وبنفس الصورة وقائع المنوفية .. مع ان حضرتك استخدمت تخطيط جاهز وما اتكلمت خالص عن التخطيط اليدوى ؟ ياريت توضح لنا النقطة ديت ازاى نخطط يدوى ونضيف والعكس .
لان قبلتنى مشكلة .. خطوط ميش عارفة اشيلها او الغها من فين ؟

وكمان اخذت صورة من موقع طبلوها وفتحتها بالفرونت بيخ وشوفت الاكواد بتاعتها ...

وجربت نفس الطريقة مع تصميم موقع بسيط قريب لحد كبير من منتدى طبلوها . وشغالة قص ولزق وتغير وارتباطات واما اشوف فى الاخر هيطلع اية انشاء الله تطلع حاجة كويسة . وكنت عايزة ابعت لك التصميم بعد ما يخلص . علشان تقول ليا راى حضرتك فية .. وما تخافيش ميش هاعمل منتدى ينافس منتدى طبلوها ...

بارك الله لك والف شكر ...

[Dragoon]

شكرا للأخت الكريمة ... و شكرا على المباركة

موضوع التخطيط الجاهز كان للتسهيل عليكم .....و اليوم سأضع شرح مبسط للتخطيط اليدوى الذى اعتمد عليه بصورة كبيرة فى تصميماتى .

اما موضع عمل منتدى دا حاجة تانية خالص و سهلة خالص من اننا نعمل منتدى بأيدينا
التصميم هو اصعب حاجة .....

و المنتديات و برامج إدارة المحتوى هى مواقع جاهزة صنعها فريق عمل كبير من شركة ما

و تعمتد بالاساس على لغة برمجة php

و هى تتيح التفاعل بين الزائز او المتصفح او العضو .... يعنى بامكانه كتابه موضوع أو رد يشارك فى استفتاءات اهداءات سجل زوار ..... اى حاجة يمكن للزائر وضع رايه و تخزينه فى قواعد بيانات على الموقع .

يعنى مثلا منتدى طبلوها .... او موقع وقائع المنوفية

www.waqaee-mnf.com (http://www.waqaee-mnf.com)

نعتمد فى بالاساس على برامج ادارة محتوى تسمى ( مجلة نيوك ) أسمها كده لكن مش مجلة تنفع اى حاجة


و هو بناء جاهز لكن ينقصه تصميم خاص له شكل يسمى ثيم أو استيل و كذلك المنتديات و يتوفر على الإنترنت الكثير من الثيمات أو الاستيلات الجاهزة

اما التصميم بفرونت بيج .... هو أقل نوع من التصميم لكنه أساسى فهو ينتح ملفات من نوع html
لكن غير تفاعلية إذ ان الزائر يشاهد فقط ما وضعه المصمم دون المشاركة برأيه أو تعليقه .

لكن هى خطوة مهمة جدا لاننا لو دخلنا مجال المنتديات السهل و المجلات دون احترافنا للتصميم سنستخدم الاستيلات و الثيمات الجاهزة و سيكون موقعنا تقليدى جدا و مشابه لمعظم المواقع العربية .

لذلك نحن نبدأ من الصفر ....

و ملحوظة هامة جدا .....برنامج الفرونت بيج لا يكفى لعمل موقع محترف لابد بالاستعانة بصور جيدة باستخدام برنامج فوتوشوب أو فلاشات باستخدام برامج سويش ماكش أو فلاش

الخطوة القادمة ( الدرس القادم ) بعد الرد على جميع الأسئلة على الدرس الاول

سنشرح لكم كيفيه رفع الملفات إلى الانترنت و سنفتح موقع www.tabluha.info (http://www.tabluha.info)
للتدريب الفعلى العلى للتجريب .


ثم سنشرح كيفية إستخدام برنامج فوتوشوب فى تصميم صور تساعدنى فى تصميم موقع .... بالطبع لن نشرح الفوتوشوب بشكل يؤهلك لان تكون مصصم جرافيك فهذا مجال اخر لكن سناخذ منه ما يساعدنا فى مجال تصميم المواقع .


ثم سنقوم بشرح برنامج سويش ماكس الذى يمكنه عمل موقع فلاشى كامل دون استخدام الفونت بيج


و أخر خطوة أن نقوم بعمل موقع بشكل احترافى باستخدام كل الادوات الفرونت بيج و الفوتوشوب و السويش ماكس .

لذلك أيها الاخت الفاضلة عمل موقع الان بنفسك سيعتمد على صور جاهزة مقتبسة من مواقع قائمة دا شى طيب لكن افضل الصبر حتى ننتهى على الاقل من الفوتوشوب لنرى الابداعات التى ستخرج من داخلكم ..... و هذا لا يمنع ان نرى الان .

[saifha1965]

بارك الله لك . ونحن فى انتظار الدرس الثانى .. وفعلا شكل ما حضرتك بتقول كدة .. موضوع المنتديات موضوع كبير وكببر جدا ... وصعب ...انا من امبارح مفيش نوم والله كانها نوبة جنان وتصميم منتدى ... انا تقريبا قربت اخلص موضوع القص والتحريف فى الموقع المنتدى اللى انا اشتغلت عليه بس قبلت اكتر من مشكلة اهمها الارتباطات . طبعا تشكيل والتحريف فى الصفحات سهل المشكلة الكبيرة فى الخيارات انا لحد دلوقتى ميش عارفة انا هاوصل لغيت فين . بس اهم المشاكل اللى عندى دلوقتى ان التصميم اللى انا عملتة ميش عارفة اخرج منة بمعنى انى لما باعمل امر كليك خروج ما بيخرج من المنتدى على اساس ان فى قائمة تغيرة بتظهر الاول ( هل انت متاكد من رغبتك فى الخروج . وبعدها تظهر القائمة الثانية ز وكمان الساعة ديت بتكون مرتبطة باية ز وحاجات كتير صغيرة انا لسة ما وصلت عندها زز بس اللى انا متاكدة منة انى ميش هاوصل لنهاية فى التصميم اللى انا اختارتة وميش عارفة مع انى والله قطعت فية شوط كبير ... بس يلا العلم بالشى ولا الجهل ... كان نفسى انجز لكن دا الموضوع كبير .

كمان فى حاجة يا دكتور انا ميش شايفة حد تانى بيشترك معنا فى موضوع التصميم والتعليم .. وحاسة انك هتصرف نظر عن تكملة الدروس ...

عموما لك خالص الاحترام على المجهود الرائع .. واول ما هاقف خالص فى التصميم . هاضغط الملف وابعتة لحضرتك ... تشوف الابداع ..

مشكووووووووووووووووووووووووو

[Dragoon]

أنا قلت ان موضوع المنتديات سهل جدا مش صعب و دى الحقيقة

اللى احنا بنعمله الان هو الصعب اننا نتعلم التصميم بايدينا

يعنى ممكن فى درس واحد .... نعمل منتدى فى اقل من 3 ساعات

اما عن موضوع عدم مشاركة اى عضو معنا ..... سأكمل حتى لو كنت أنت الوحيدة بالدورة

لكنى سأنفذ راى أخى روكت الذى خرج و لم يعد و سأقفل منتدى التصميم أمام الزوار

و سأرسل رسالة إعلانية للجميع الاعضاء على الاميلات و ربنا يوفق

[saifha1965]

اما عن موضوع عدم مشاركة اى عضو معنا ..... سأكمل حتى لو كنت أنت الوحيدة بالدورة

لكنى سأنفذ راى أخى روكت الذى خرج و لم يعد و سأقفل منتدى التصميم أمام الزوار


و سأرسل رسالة إعلانية للجميع الاعضاء على الاميلات و ربنا يوفق



بارك الله لك وعليك نحن فى انتظار الدرس الثانى وياريت يكون بصوت .. لو امكن ..

مشــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــكور

[glman]

السلام عليكم ورحمة الله:

اتمنى ان تعم الاستفاده ويبدوا ان هذه الدروس رائعه جدا
انا يمكن ان اعلمكم كيفية عمل عمليات نفل اموال و شراء و بيع من خلال المواقع وكيفية اضافة Master card و امثالها على موقعك الخاص بك

مشكوررين على تعاونكم و انا جاهز في حال احتجتم لاي شيء;)

[waled fathy]

مشكور جدا يا دك بس انت أتأخرت علينا كتير وكنت عارف ظروفك وعاذرك بس انت عارف الايام دى فيها ايه وعاوزك انت كمان تعزرنا وأنا كل فتره هتابع معاك انا عموما نزلت الدرس الاول وناقص مشاهدته بس الوقت معايه ضيق شويه للتنفيذ الان
ربنا يجزيك خير وعقبال الدرس الثانى يا دك ومشكور جدا جدا

[saifha1965]

لعل المانع خير يا دكتور اتاخرت كتير بالدرس التانى ... بدات افقد الحماس من التاخير .. وعندى كم سوال ؟

- ما هو الهاك .
- ما هو الستايل .
- وممكن اجرب المنتدى على الجهاز
وازاى ارعرف اركبة واتفرج علية من على الجهاز عادى .

ياريت الاجابة لو تكرمت ؟

[كيمو الاسمعلاوى]

الصراحه الموضوع كبير جدا وانا عندى اسئله كتيره يا اخى
بس يا ريت تعذرنى على اختفائى الفتره الفاتئه والفتره القادمه
ظروف شغلى لا تسمح لى بان ارى جهازى الا دقائق معدوده
ولاكن ان شاء الله عندما يخف ضغط الشغل سوف اعوض ما فاتنى
وانى كنت منتظر هذا الموضوع بفارغ الصبر
ولاكن تأتى الرياح بما لا تشتهى السفن
بس ملحوقه يومين تلاته كده وافضى للموضوع الكبير ده

[saifha1965]

اهلا وسهلا للمرور الكريم استاذ كيمو ... بس غندى سوال هو كيمو هو ايهاب ولا .... عموما حصل خير وشكرا للمرور استاذ كيمو ... ميش مهم مين المهم الدرس ..

[Dragoon]

السلام عليكم ورحمة الله:

اتمنى ان تعم الاستفاده ويبدوا ان هذه الدروس رائعه جدا
انا يمكن ان اعلمكم كيفية عمل عمليات نفل اموال و شراء و بيع من خلال المواقع وكيفية اضافة Master card و امثالها على موقعك الخاص بك

مشكوررين على تعاونكم و انا جاهز في حال احتجتم لاي شيء;)



شكرا للأخ الكريم على عرضه الطيب لكن هذا موضوع أخر لكنه شيق يمكنك المشاركة به معنا كموضوع مستقل ليستفيد منه الجميع و شكر لك


مشكور جدا يا دك بس انت أتأخرت علينا كتير وكنت عارف ظروفك وعاذرك بس انت عارف الايام دى فيها ايه وعاوزك انت كمان تعزرنا وأنا كل فتره هتابع معاك انا عموما نزلت الدرس الاول وناقص مشاهدته بس الوقت معايه ضيق شويه للتنفيذ الان
ربنا يجزيك خير وعقبال الدرس الثانى يا دك ومشكور جدا جدا

شكرا للدكتور وليد ... و ربنا معاك و مستنيك لما تخلص على خير


لعل المانع خير يا دكتور اتاخرت كتير بالدرس التانى ... بدات افقد الحماس من التاخير .. وعندى كم سوال ؟


- ما هو الهاك .
- ما هو الستايل .
- وممكن اجرب المنتدى على الجهاز
وازاى ارعرف اركبة واتفرج علية من على الجهاز عادى .


ياريت الاجابة لو تكرمت ؟



غدا ان شاء الله ينزل الدرس التانى بشرح أفضل ببرنامج اجمل ....... لكن أسئلتك ماشية فى اتجاه تانى خالص و هى المنتديات و الاجابة سهلة لكن خايف اشتت الناس و باين على حضرتك قراتى عن المنتديات كتير .... حضرتك مش واخذه بالك .. موضوع المنتديات موضوع تافه سهل جدا درس واحد نخلصه لكن اهم منه الاساس اللى هنبنى عليه منتديات و غيره عاوزين ندخل على المنتديات على طول لكن بعد كده مش هتعرفوا تتقدموا و لا تلحقوا اى تطوير ستظلوا فى قالب واحد بس ..... لكن أنا عاوز اللى يخرج من الدورة يخرج فعلا محترف .

فى حل تانى نمشى فى الاتجاهين مع بعض فى نفس الوقت و اللى هيتسهل هو حر يمشى فى طريق المنتديات السهلة هو حر او يمشى معنا فى طريق التصميم اليدوى هو حر ايضا

و فى كمان نقطة مهمة اننا بعد ما نخلص شرح امكانيات الفرونت بيج و السويش ماكس و الفوتشوب هنشرح لكم عمل موقع باستخدام هذه البرامج و هنهتم بالشكل لاننا كونا بنشرح امكانيات بس .

عاوز اسمع رايكم .....


الصراحه الموضوع كبير جدا وانا عندى اسئله كتيره يا اخى
بس يا ريت تعذرنى على اختفائى الفتره الفاتئه والفتره القادمه
ظروف شغلى لا تسمح لى بان ارى جهازى الا دقائق معدوده
ولاكن ان شاء الله عندما يخف ضغط الشغل سوف اعوض ما فاتنى
وانى كنت منتظر هذا الموضوع بفارغ الصبر
ولاكن تأتى الرياح بما لا تشتهى السفن
بس ملحوقه يومين تلاته كده وافضى للموضوع الكبير ده



شكرا للأخونا كيمو انت فاين ياراجل ..... مستنيك على خير



اهلا وسهلا للمرور الكريم استاذ كيمو ... بس غندى سوال هو كيمو هو ايهاب ولا .... عموما حصل خير وشكرا للمرور استاذ كيمو ... ميش مهم مين المهم الدرس ..


مش عارف اقولك ايه كيمو هو ايهاب ازاى .... كيمو مشرف منتدى البرامج من اسماعليه و قاعد فى الكويت و الراجل اتفقت معاه على الدورة من قبل ما نبدأ و لما بعت إيميلات لجميع الاعضاء دخل ليعتذر ..... ركزى شوية

[محمدعزت]

بسم الله الرحمن الرحيم
شكرا يا أخى على المجهو الكبير المبذول ولكن أرجو منك أنت أو أى عضو عندة خبرة على الإنترنت شرح فرنت بيج 2003 ولكنة عربى وأرجو أن أرفع للمنتدى ملفات من على جهازى ولا أعرف كيف أرجو الرد هااااااااام,شكراَ أخى ,,,,محمد من مصر (سفير الحب).

[Dragoon]

أهلا بك اخونا الكريم فى منتديات طبلوها ... عامة نشرح الفرونت بيج بالعربى تانى علشان

خاطركم و انتم حرين .....

لرفع للمنتدى ملفات إما عن طريق المرفقات أو إقرأ هذا الموضوع ....
http://www.tabluha.com/vb/showthread.php?t=1340

ومرحبا بك ثانية

[saifha1965]

أهلا بك اخونا الكريم فى منتديات طبلوها ... عامة نشرح الفرونت بيج بالعربى تانى علشان

خاطركم و انتم حرين .....


يا دكتور واضح انك تعبت او ..... موضوع الدرس من اكتر من شهر فات وللان ... مفيش اكتر من 16 دقيقة .. الوضع هيستمر على كدة كتير .. ثم اننا ما انتهنا من شرح الفرونت بيج بالانجليزى علشان نبداء بالعربى ...

يعنى لو شوفت الموضوع بتاع الدروس اكتر من 200 مشاهدة وكم رد وللاسف مفيش غير شرح 16 دقيقة من غير زعل .. ينفع .. انا عن نفسى كل يوم ادخل علشان اشوف اية الجديد .....!!!

ختاما نأسف للازعاج ولكن هذا راى الشخصى على الموضوع ككل وطبعا مع خالص احترامى لك ..

[Dragoon]

يا دكتور واضح انك تعبت او ..... موضوع الدرس من اكتر من شهر فات وللان ... مفيش اكتر من 16 دقيقة .. الوضع هيستمر على كدة كتير .. ثم اننا ما انتهنا من شرح الفرونت بيج بالانجليزى علشان نبداء بالعربى ...

يعنى لو شوفت الموضوع بتاع الدروس اكتر من 200 مشاهدة وكم رد وللاسف مفيش غير شرح 16 دقيقة من غير زعل .. ينفع .. انا عن نفسى كل يوم ادخل علشان اشوف اية الجديد .....!!!

ختاما نأسف للازعاج ولكن هذا راى الشخصى على الموضوع ككل وطبعا مع خالص احترامى لك ..




لازعل و لا حاجة .... و لا تعب و لا لاحاجة احنا لسه عملنا حاجة خالص

انا فعلا شغال فى الدرس التانى .... لكن موضوع شرحى للفرونت بيج بالعربى دا حاجة زيارة منى للعضو الجديد ...

المشكلة انى عندى مسئوليات كتيرة و مواقع بعملها لناس لازم تتسلم فى مواعدها

لكن اليوم بعون الله سننشر درسين لكم

الدرس الأول 2 ( رد على الاسئلة :
1- سؤالك عن كيفية عمل الجدول يدويا .

2- عمل اللينكات بين الصفحات .

الدرس الثانى :

1- التعرف على لوحة تحكم الموقع

2 - كيفية رفع الملفات ببرنامج رفع الملفات .... أو باستخدم لوحة تحكم الموقع ..... file manger

[saifha1965]

الدرس الأول 2 ( رد على الاسئلة :
1- سؤالك عن كيفية عمل الجدول يدويا .

2- عمل اللينكات بين الصفحات .

الدرس الثانى :

1- التعرف على لوحة تحكم الموقع

2 - كيفية رفع الملفات ببرنامج رفع الملفات .... أو باستخدم لوحة تحكم الموقع ..... file manger


---------------
يا كريم .... ومشكور مقدما ...

[Dragoon]

---------------

يا كريم .... ومشكور مقدما ...


يبدو ان حضرتك رديت على الموضوع من غير ما تلاحظى ان الدرس الثانى نزل يالفعل

[saifha1965]

يبدو ان حضرتك رديت على الموضوع من غير ما تلاحظى ان الدرس الثانى نزل يالفعل


فعلا ... ومشكور .................................ز